القائمة الرئيسية

الصفحات

تجربتي مع منقوع اكليل الجبل للشعر، إليك 20 تجربة

 إكليل الجبل يعد رفيقٌ مُخلصٌ لشعرٍ صحيٍّ وطويل، حيث لا يقتصر سحره على نكهته اللذيذة، بل يُخفي في طياته كنزًا من الفوائد للشعر.


فما هي الخصائص التي تُميّز إكليل الجبل وتجعله حليفًا مثاليًا لشعرٍ كثيفٍ؟


تُشير الدراسات إلى أنّ إكليل الجبل غنيٌّ بمضادات الالتهابات التي تُساعد على تعزيز جهاز المناعة وتحسين الدورة الدموية في جميع أنحاء الجسم، بما في ذلك فروة الرأس.، لذا يُساعد تحسين الدورة الدموية على إيصال العناصر الغذائية والأكسجين إلى بصيلات الشعر، فيعزز نموّه ويُقلّل من تساقطه.


تشير الدراسات إلى أن اكليل الجبل يحتوي على حمض الكارنوسيك الذي يُساعد على علاج الأنسجة وشفاء النهايات العصبية في فروة الرأس، ويُعيد نموّ الشعر ويُطيله.

 

تُساعد أيضا مستخلصات إكليل الجبل على التخلّص من الفطريات والبكتيريا المسببة لعدوى فروة الرأس، فيؤدي بالتالي إلى  تقليل تساقط الشعر.


يوجد بعض الدراسات أيضا التي تظهر أنّ زيت إكليل الجبل يُساعد على حماية الشعر من التساقط، ويشابه في تأثيره  تأثير بعض الأدوية المُستخدمة في علاج داء الثعلبة.


إليك تجربتي مع منقوع اكليل الجبل للشعر. إليك 20 تجربة حقيقية للمستخدمات منقوع اكليل الجبل.

تجربتي مع منقوع اكليل الجبل للشعر

تجربتي مع منقوع اكليل الجبل للشعر

التجربة الاولى:

انا بستعمل منقوع اكليل الجبل  بقالي شهور ماشالله زود البيبي هير.


التجربة الثانية:

تجربتي مع منقوع اكليل الجبل رائعة فعلا منقوع اكليل الجبل مفيد لعلاج التساقط و الفراغات و تطويل الشعر 

بترشيه على الفروة مرة أو مرتين في اليوم

بستخدمه بقالي شهرين

قلل التساقط من اول اسبوع بشكل ملحوظ معايا  و طلعلي بيبي هير.


التجربة الثالثة:

هو فعلا بيوقف تساقط الشعر بس لما بطلته بيرجع الشعر ينزل زي الاول وبينشف الشعر.


التجربة الرابعة:

منقوع اكليل الجبل بعمله بأني بغلي اكليل الجبل واحطه في بخاخ وارشه على فروة الرأس بيتقل الشعر بس اما بتوقفيه بيتساقط  زي ما يكون مينوكسيديل طبيعي بس حطيهم ع فروه راسك بس لان  لو عالشعر نفسه بيخلوه ينشف أوي.


التجربة الخامسة:

انا لسه مستخدمة منقوع اكليل الجبل من ٤ ايام  غليت قرنفل واكليل الجبل وبابونج  وحطيتهم ف بخاخ وبحط  مرتين الصبح وبالليل وبعض النظر عن النتيجة بتاعة الطول والكثافه لان لسه معداش بدأ في استخدام بس النتيجة  بانت فالهشان والريحه تحفه بمعني الكلمه.


التجربة السادسة:

انا شعري غامق فبستخدم مغلي ملعقتين كبار مراميه + ملعقتين اكليل الجبل  + ١٠ حبات قرنفل بحطهم على ٣ لتر ميه بيعمل بقسمهم على ٣ مرات وبحط في الثلاجة وبغسل بيهم  شعري كل مرة بعد الحمام من غير غسيل بعدهم وشايفة نتيجة هايلة منهم.


التجربة السابعة:

انا احكيلكم تجربتي مع منقوع اكليل الجبل من الاول أنا جبته و جبت معا ورق سدر وبابونج وورق لوري بتحطي شويه من كل حاجه بس بتكتري ورق السدر شويه و بتحطيهم في مع نض لتر مياه او اكثر شوية تغليهم و تسبيهم منقوعين يوم كامل و بعد كده تصفيهم و حطيهم في بخاخه و بعد كده على الثلاجة و كل ما تفتحي التلاجه رشي علي فروه راسك و الاطراف و سرحي و ارفعي شعرك لفوق فخلال أسبوع هتلاقي وقوع الشعر قل و هتلاقي شعرك ابتدي بتفرد مع الاستمرار بقي كذا أسبوع هتلاقي نتيجة أحسن


التجربة الثامنة:

أنا بجيب اكليل الجبل  وبغليه  وبعدين اسيبه يبرد بس اهم حاجة اني بكون مغطياه عشان الزيوت بتاعته متتبخرش وبعد كده بحطه ف بخاخة وتحطيها ف التلاجة وترشيه ع شعرك وهو مقلوب و تعملي مساچ لشعرك بيه كأنك بتعملي ابس اهم حاجة لازم ارطب شعري كويس عشان اكليل الجبل بتنشف  الشعر شوية خلال شهر هتلاقي نتيجة كويسة جدا


التجربة التاسعة:

انا استخدمته فترة وطلع بيبر هير ووقف التساقط بس شعري ضرب فيه الشيب جامد اوي.


التجربة العاشرة:

تجربتي مع اكليل الجبل سيئة شعري اتبهدل يعني أنا كان عندي اربع خمس شعريات كده ف نص شعري لونهم ابيض وراثة وكنت فرحانه بيهم .. شعري ضرب ابيض بطريقة مرعبة وطلع من قدام وبقى واضح جدا.


التجربة الحادية عشر:

انا استخدمت منقوع اكليل الجبل  فترة مش كبيرة وطلعلي شعرة بيضة في نص شعري

وانا عندي 24 سنة وچيناتي مفيهاش الشيب المبكر ووقفته خلاص مبقتش استخدمه.


التجربة الثانية عشر:

تجربتي مع منقوع اكليل الجبل للشعر حلوة انا بقالي سنه عليها و طولت شعري جداا و تقلته و بعمل حمام زيت روز ماري مع زيت جوز  الهند  مره ف الاسبوع و الدنيا تمام اوي معايا لا عمره وقع ولا حاجه بس لما بطلت فترة رجع التساقط زي الاول.


التجربة الثالثة عشر:

انا بستخدمه من سنين اللي هو بغليه مع القرنفل والكركديه بيرطب وملئ الفراغات وبحطه على الفروة واعمل مساج.


التجربة الرابعة عشر:

انا بحط عشبة إكليل الجبل  في برطمان ومعاها شوية مياة لحد نص البرطمان كده ومعاها حبة سوداء علشان سمعت انها حلوة وبقفله وبحط البرطمان في حلة فيها مياه على النار فيها مياة وواسيبه ساعه او اتنين علي نار هادية خالص لاني سمعت لو اتغلي مباشرة وهو مفتوح الزيوت المتطايرة والفايده بتقل او بتروح وبستنه يبرد وبحطه في بخاخة واسيبه في الثلاجة واستعمله لمدة اسبوع واغيرة بحطه علي الفروة وادلكه بالبتاعة بتاعت الفروة وهكذا كل يوم وسمعت برضوا ان الشعر ممكن يقع في الاول لان ده الشعر التالف وبيتجدد بس مش طبيعي يكون كتير. جميل وطلعلي بيبي هير كثير رغم اني جربت حاجات كثير ومكنتش بتجيب معايا نتيجة.


التجربة الخامسة عشر:

انا جربت الروزماري اكتر من 5 شهور قللت تساقت في الشعر بس مفيش تنبيت او بيبي هير طلع.


التجربة السادسة عشر:

استخدامي له جاب نتيجة في أنه عالج القشره و طوله لكن موقفش التساقط ولا أثر عليه خالص.


التجربة السابعة عشر:

انا الاول كان حلو جدا معايا بس اخدت فتره موقفاه ورجعت تاني بقي شعري بيقع اكتر من الاول بكتير جدا.


التجربة الثامنة عشر:

انا تجربتي مع منقوع اكليل الجبل للشعر مش احسن حاجة انه بيمنع التساقط وبيطول الشعر بس اول ما وقفت استخدامه  الشعر وقع.


التجربة التاسعة عشر:

حسيت ان منقوع اكليل الجبل زود الشعر الابيض بعد استخدام ٣ شهور بس  وقف التساقط فعلا.


التجربة العشرون:

جميل جدا مش ببطل استخدمه، حتى بغسل به شعري مرة في الأسبوع.


"قد يهمك: تولا لوسيون وطريقة استخدامه"
"قد يهمك:خلطة السدر والبصل والثوم"

تعليقات

التنقل السريع