جدول تطعيمات الكلاب

تاريخ التحديث: 15 ديسمبر 2020

جدول التطعيمات الخاص بالكلاب وأفضل الأدويه لمعالجه الأصابه بالديدان بأنواعها أولا التطعيمات بتتاخد تحت الجلد غالبا عند أعلي الضهر اوتحت الرقبه وبتتقسم لتطعيم ضد مجموعه فيروسات * البارفو والديستمبر والبارانفلونزا و الالتهاب الكبدي و والليبتوسبيرا والكورونا و الأدينو فيرس * وتطعيم ضد مرض السعار * ودا مهم جدا لانه بيتنقل عن طريق لعاب الحيوان المريض او عن طريق العض للبشر وبيكون مميت وملهوش علاج سواء في الحيوان او البني أدم *هنزل موضوع كامل عن مرض السعار والوقايه منه في المقالات الجايه باذن الله* وقت التطعيم : حسب البروتوكول اللي متبعاه كل عياده وكل دوله بيختلف وقت بدايه تطعيم الجراوي ولكن الفكره أنه لازم يكون في الفتره بين عمر ال 45 يوم ودا الغالب لعمر ال 4 شهور, بنطعم عند عمر ال 45 يوم او الشهر و نص تطعيم ضد فيروسات البارفو والديستمبر * الثنائي * المعظم بيفضل أنه بيتدي اول الجرعات بالثنائي عشان ميبقاش تقيل علي مناعه الجرو وفي ناس بتبتدي علي طول بخماسي أو ثماني أي كان البروتوكول اللي متبعاه العياده اللي هتطعم فيها لازم الجرعه بعد 3 اسابيع تتكرر وبعد 3 أسابيع تانين تتاخد الجرعه النهائيه يعني يتحصن الجرو 3 مرات ضد البارفو والديستمبر والفيروسات التانيه وشخصيا بافضل التحصين يبتدي بثنائي عشان مناعه الجرو بتكون لسه ضعيفه وبعدين يتاخد ثماني فثماني بعدين يتكرر التحصين سنويا من وقت أخر جرعه أتاخدت تحصين ضد فيروس السعار: بيكون عند عمر ال 3 شهور او الاربعه بتختلف من مكان لمكان المهم انه قبل ما يتم ال 6 شهور ويرجع يتكرر بعدها بسنه وأما يتكرر بعدها سنويا او كل 3 سنين حسب قانون الدوله وحسب الشركه المنتجه للتحصين والتعليمات اللي علي علبه التحصين السعار مرض بيتنقل لينا وملهوش علاج سواء في البني أدمين او الكلاب فالأهم من اني احصن بخماسي او ثماني اني احصن ضد السعار عشان أحمي نفسي وأسرتي من المرض دا .. أقصي شئ هيحصل لو ما محصنتش الكلب بالثماني أنه هيموت لكن لو محصنتش ضد السعار يبقي أنت وأسرتك والكلب هتبقوا في خطر دايما وطبعا مقصدش بكده اني احصن ضد السعار ومحصنش ضد باقي الامراض .. الكلب مسئوليتك أمام ربنا ولازم بدل ما نويت تشيل المسئوليه أنك تعمل كل اللي في وسعك عشان تحميه وتوفر له حياه خاليه من الأمراض وضروري نفهم ليه التحصين في اول سنه من العمر بيتاخد ويتكرر بعدها مره او مرتين كمان : ببساطه التحصين عباره عن مجموعه فيروسات يعني أنا بحقن الحيوان بمرض بس الفيروسات اما بتكون متوقفه عن عملها او ميته وفي كل الحالات وجود الفيروس بيثير مناعه الحيوان ويسبب تكوين اجسام مضاده فلو الحيوان اتصاب بالمرض اللي انا حقنته ضده بالتحصين هيكون عنده اجسام مضاده تحميه من العدوي بس جرعه واحده من التحصين مش هتبقي مفيده لازم ادي جرعه منشطه وجرعه تأكيديه عشان المناعه تكون أجسام كفايه لحمايه الحيوان كمان في نقطه مهمه جدا : لازم وقت تطعيم الكلب يكون سليم ودرجه حرارته طبيعيه ولازم انتبه ان الدكتور عمل فحص ليه قبل ما يدي التحصين لان التحصين بيوقع المناعه وبيرفع الحراره احيانا وبيخلي الحيوان يمتنع عن الاكل في الاول فمينفعش تكون الجراوي مريضه وكمان انزلها مناعتها فشل التحصين : كتير ناس بتدي التطعيمات في ميعادها ويحصل أنه الحيوان بيتصاب بنفس المرض اللي طعمته ضده طيب دا بيحصل ليه وأزاي أولا التطعيمات لازم تتحفظ في التلاجه ولو فضلت في درجه الحراره العاديه هتبقي مش صالحه بس دا مش معناه ان لو التحصين اتساب بره التلاجه انه لما الدكتور يديه للجرو انه هيمرض لا مش هتحدث عدوي بس كده انا اديت تحصين ملهوش اي قيمه وبالتالي الجسم مناعته مش هتثار وتكون أجسام مناعيه ضد المرض الحاله التانيه اللي بيفشل فيها التحصين هو لما الحيوان مناعته بتضعف جدا بسبب وجود أمراض زي الاورام والسرطانات وأمراض الكبد المزمنه بيكون دخول التطعيم لجسمه مش مثير للمناعه كمان لانه ببساطه اصلا المناعه ضعيفه جدا وغير قادره ع تكوين أجسام مناعيه * يعني ببساطه التطعيم بيكون سليم بس مناعه الحيوان الضعيفه هي بتكون سبب عدم استفادته من التحصين * أسعار التحصينات : السعار بيكون من 50 ل 70 جنيه في معظم العيادات يمكن في مديريات الطب البيطري والجهات الحكوميه بيكون أقل أما الثماني فمن 90 ل 140 حسب العياده ومكانها التخلص من الديدان بأنواعها في الكلاب: أقراص الدرونتال مع شريه الفينبندازول أفضل طريقه لمعالجه الكلاب او القطط المصابه بالديدان الدرونتال بيحتوي علي البرازيكونتل والبيرنتال بوميت اللي بيعملوا شلل لل 3 أنواع المشهوره من ديدان الكلاب والقطط * tape متوفر علي شكل أقراص القرص لكل 10 كيلو بيتاخد عن طريق الفم ويسبب شلل للديدان الناضجه في الامعاء ونزولها عن طريق البراز والجرعه بتتكرر بعدها ب اسبوعين للتاكد من أنه اتخصلنا من دوره الدوده كامله أما الفينبندازول فأنا باعتبره دوا كويس جدا خاصه انه حساسيه ال 3 أنواع من الديدان ليه عاليه جدا وبيجيب مفعول كويس أحيانا بندي قرص الدرونتال ونجرع بعدها بشرب الفينبندازول لما يكون الحيوان عنده ديدان كتيره





7 مشاهدة0 تعليق

المنشورات الأخيرة

إظهار الكل

عمليات تعقيم الحيوانات الاليفة

عمليات تعقيم الحيوانات الاليفة مثل القطط والكلاب تجعل حيوانك الأليف أكثر لطفًا وأقل عنفًا، كما أنها تحد من الكثير من السلوكيات الخاطئة التي تصدر منهم بعد مرحلة البلوغ مثل الميل للعنف، بالإضافة إلى منع

حماية الإنسان من داء الكلب

go to service collection حماية الإنسان من داء الكلب داء الكلب هو أحد الأمراض الفيروسية يسبب التهاباً حاداً في الدماغ ويصيب الحيوانات ذات الدم الحار، وهو مرض حيواني النشأة، أي أنه ينتقل من فصيلة إلى

This site was designed with the
.com
website builder. Create your website today.
Start Now